کورونا وائرس سے بیدار کرنے والا نغمہ

مرکزی اور ریاستی حکومتیں کورونا وائرس سے بچنے کے لئے تمام تر کوششیں کر رہی ہیں۔ اس کے لئے پولیس کی سختی، انتظامیہ کی بیداری مہم کے ساتھ اب ایک ثقافتی سوسائٹی نے عوام کو آگاہ کرنے کے لیے ایک نغمہ  تیار کیا ہے۔ اس نغمہ میں کورونا سے محفوظ رہنے کی اپیل کی گئی ہے۔

آپ سبھی نے شہر کے تمام بازاروں میں آمد رفت کے دوران حکومت کی جانب سے لوگوں کو آگاہ کرنے والا نغمہ ضرور سنا ہوگا۔ یہ نغمہ لاؤڈ اسپیکر پر عوام کو کورونا کے تئیں بیدار کرنے کے مقصد سے بجایا جاتا ہے۔

جس میں وائس اوور آرٹسٹ نے اپنی آواز دیکر کورونا سے محفوظ رہنے کی ہدایت دی ہے اور مہلک بیماری سے بچنے کا طریقہ بھی بتایا گیا ہے۔

اب ”اومنگ کلچرل ویلفیئر سوسائٹی“ کے زیر اہتمام قصبہ سینتھل کے رہنے والے شارب ہندی نے اپنی قلم سے ایک نغمہ لکھا ہے۔

اس نغمہ کو ناظم جان نے اپنی آواز دی ہے اور تعبیر حسین نے اسے پیش کیا ہے۔ نغمہ کے الفاظ ہیں، ”عزیزو حوش میں آؤ، بلا پھیلی ہے دنیا میں“۔

اس نغمہ میں حکومت کی جانب سے عوام کو عالمی وبا کورونا سے محفوظ رہنے کے ہدایات، تجاویز اور کورونا کے برے اثرات کے بابت بتایا گیا ہے۔ ”اومنگ کلچرل ویلفیئر سوسائٹی“ نے مزید معلومات فراہم کراتے ہوئے کہا کہ اب نئے انداز میں ایک نغمہ شروع کرنے جا رہے ہیں، جس کا عنوان ہے، ”کورونا ایک آفت بن گئی ہے، یہ آفت کیا قیامت بن گئی ہے“۔

معلومات فراہم کرانے کے دوران تعبیر حسین، شارب ہندی، ناظم جان، پرمود رگھوونشی، ایم جے جان، ایلون ڈینیل اور میڈیا انچارج پون کالرا وغیرہ موجود رہے۔