ریاست اترپردیش کے ضلع امروہہ میں زویا سی ایچ سی کی ڈاکٹر ٹیم کورونا مریض کے گھر گئے تاکہ ضروری سہولیات فراہم کرا سکیں اور گھر میں آئسولیٹ کی کارروائی کی جاسکے۔ لیکن موقع پر گئے ڈاکٹر معراج نے الزام لگایا کہ ڈاکٹرز ٹیم کے ساتھ کورونا مثبت لڑکی کے اہل خانہ نے بدسلوکی کی ہے، جس کے بعد ٹیم نے پولیس کو آگاہ کیا لیکن پولیس نے کسی کے خلاف کوئی کارروائی نہیں کی۔
پولیس کی جانب سے کارروائی نہیں ہونے پر ناراض ڈاکٹرز اور اسٹاف نے ہسپتال میں کام کرنا بند کر دیا اور محکمہ صحت کی ٹیم سے بدسلوکی کرنے والے ملزم کے خلاف سخت کارروائی کا مطالبہ کیا۔
موقع پر آئے ضلع کے سی ایم او سبھاگیا پرکاش سنگھ نے ڈاکٹرز اور اسٹاف سے بات کی اور کام شروع کرنے کو راضی کرنے کے ساتھ ہی سخت کارروائی کا یقین دلایا۔
مزید پڑھیں: 'دھان کی فصل میں کسانوں کا ہورہا ہے استحصال'
چیف میڈیکل آفیسر نے کہا کہ محکمہ صحت کی ٹیم کورونا مریضوں کی پوری دیکھ بھال کرتی ہے۔ لیکن بعض اوقات پولیس اور مریض کے کنبہ والے ٹیم کا تعاون کرنے میں ناکام رہتے ہیں جو غلط ہے۔
