تنظیم کے قومی جنرل سیکریٹری مولانا شہاب الدین نے ایک میٹنگ منعقد کر کے مقامی علماء کرام کے ساتھ بحث و مباحثہ کیا اور آخر میں کہا کہ کورونا ویکسین کے متعلق چل رہی غلط فہمیوں پر پابندی لگائی جائے۔
اس سلسلے میں مولانا شہاب الدین نے صحافیوں سے بات کرتے ہوئے کہا کہ ہمیں بہت رنج و افسوس ہے کہ ملک بھارت ہی نہیں، بلکہ پوری دنیا کے لوگ کورونا جیسی مہلک بیماری سے جدوجہد کر رہے ہیں اور لاکھوں لوگوں نے اپنی جان بھی گنوائی ہے۔ ایسے حالات میں ہر شخص پر اپنی جان بچانا لازمی ہے۔
مولانا شہاب الدین نے مزید کہا کہ اس موذی بیماری کی وجہ سے دنیا میں انسانیت کو خطرہ ہے، ایسے پرآشوب حالات میں کورونا ویکسین کی ٹیکہ کاری مہم کے پہلے مرحلے میں تمام غلط فہمیوں کی وضاحت کرنا نہایت ضروری ہے۔
مزید پڑھیں:
ایودھیا میں مسجد کا سنگ بنیاد 26 جنوری کو
لہذا تنظیم آل انڈیا تنظیم علماء اسلام نے اس بابت اعلان کیا ہے کہ عالم اسلام کے تمام مسلمانوں کو کورونا ویکسین کا لازمی طور پر استعمال کرنا چاہیے اور کسی بھی سطح پر اس کی مخالفت نہیں کرنی چاہیئے۔ کیونکہ اسلام نے ہر مسلمان کو اپنی جان بچانے کے لیے ایسی بھی کئی چیزوں کو جائز قرار دیا ہے، جو معمول کی زندگی میں استعمال کرنا جائز نہیں ہیں۔
