'بی جے پی مجھے دوسرا اعظم خاں بنانا چاہتی ہے'

کانگریس لوک سبھا سابق امید اور صوبائی سیکریٹری سچن چودھری سے ای ٹی وی اردو کی خاص بات چیت۔

اترپردیش کانگریس کے صوبائی سکریٹری اور امروہہ حلقہ لوک سبھا سے سابق امید وار سچن چودھری کے خلاف مرادآباد تھانہ سول لائن میں بینا دیوی نام کی خاتون نے زمین بیچنے کے نام پر تین لاکھ روپیہ لیکر زمین نہ دینے و دھوکہ دہی کے الزام میں مقدمہ درج کرایا ہے۔

مقدمہ درج ہونے کے بعد کانگریسی لیڈر سچِن چودھری نے پریس کانفرنس کر میڈیا کو صفائی دی ہے کہ بینا نام کی خاتون نے جس آرادّھیم بلڈر نام کی کمپنی کا نام ان کے نام کے ساتھ جوڑ کر جو مقدمہ درج کرایا ہے وہ غلط ہے، کیونکہ وہ اس کمپنی سے سال 2018 میں ہی استعفی دے چکے ہیں اور خاتون نے اس کمپنی میں کب پیسے دیے یہ انہیں پتہ نہیں ہے۔

سچن چودھری پر دھوکہ دہی کا مقدمہ درج ہونے کے بعد انہقوں نے پریس کانفرنس میں میڈیا کو صفائی دیتے ہوئے خاص طور پر ای ٹی وی بھارت اردو سے خاص بات چیت کے دوران کہا کہ وہ بے گناہ ہیں ان کو جھوٹے مقدمے میں پھنسایا جا رہا ہے، بی جے پی مجھے دوسرا اعظم خاں بنانا چاہتی ہے۔

'بی جے پی مجھے دوسرا اعظم خاں بنانا چاہتی ہے'

ای ٹی وی بھارت اردو نے جب سچن چودھری سے سوال کیا آپ کانگریسی لیڈر ہیں اور آپکو کانگریس میں لمبی پاری کھیلنی ہے ایک مقدمہ درج ہوتے ہی آپ نے اپنے بچاؤ میں کمپنی کا ساتھ چھوڑدیا کل آپ کانگریس کا ساتھ چھوڑ دیں گے اس سوال کا جواب دیتے ہوئے لوک سبھا سابق امیدوار سچن چودھری نے کہا یہ کمپنی میری نہیں ہے کمپنی میری بیوی کے نام سے ہے اور وہ اس کی مالک ہے اور اگر مجھے ان خاتون کو انصاف دلانے کیلئے کمپنی کے خلاف بھی جانا پڑا تو میں جاؤں گا۔