اترپردیش: ریاست اتر پردیش کے ضلع مظفر نگر کے کلیکٹریٹ کے احاطے میں سینکڑوں کانگرس کارکنان اور عہدے داران نے نیوز کلک سے منسلک صحافیوں پر کی جا رہی کاروائی کے خلاف زبردست احتجاجی مظاہرہ کیا، ملک کے صدر کے نام ایک میمورینڈم ضلع انتظامیہ کو پیش کیا۔ مظفر نگر کے کلیکٹریٹ میں کانگریس ضلع صدر اور مظفر نگر شہر صدر کی سربراہی میں سینکڑوں کانگرسیوں نے صحافیوں پر کی جا رہی کاروائی کے خلاف زبردست احتجاجی مظاہرہ کیا، انہوں نے کہا کہ ہم آپ کی توجہ جمہوریت کے چوتھے ستون کے طور پر قائم پریس/میڈیا کی آزادی کی طرف مبذول کرانا چاہتے ہیں۔ جب سے مرکز میں بھارتیہ جنتا پارٹی کی حکومت قائم ہوئی ہے، وہ کسی بھی حالت میں اپنی برائی سننے کو تیار نہیں ہیں۔ یہی وجہ ہے کہ آج میڈیا کا کوئی شخص مرکزی حکومت کی ناکامیوں کی طرف عام لوگوں کی توجہ مبزول کروانے کی کوشش کرتا ہے، تو اسے سرکاری اداروں کے ذریعے بلاوجہ پریشان کیا جاتا ہے۔
یہ بھی پڑھیں:
- شرد پوار کی کھڑگے اور راہول سے ملاقات، مستقبل کی حکمت عملی پر تبادلہ خیال
- غیر ملکی طاقتوں کے کنٹرول میں کون ہیں؟ کانگریس کا سوال
اس سلسلے میں مرکزی حکومت کے حکم پر نیوز ویب سائٹ نیوز کلک سے منسلک صحافیوں کے گھروں پر چھاپے ماری کی گئی ہے۔ ان کا موبائل لیپ ٹاپ کمپیوٹر اور الیکٹرانک سامان ضبط کر لیا گیا ہے، جو کسی بھی صورت میں جمہوری روایات کے خلاف ہے۔ دہلی پولیس کے اسپیسل سیل کی یہ کاروائی واضح طور پر آزادیئے صحافت پر حملہ ہے پریس/میڈیا کو جمہوریت کے چوتھے ستون کے طور پر دیکھا جاتا ہے۔ دہلی پولیس کے اسپیشل سیل کے ذریعے کیا جا رہا یہ عمل واضح طور پر جمہوریت کو کمزور کرنے کی سازش ہے۔ کانگرس پارٹی اس کی سخت مذمت کرتی ہے۔ ہم کانگریسی مطالبہ کرتے ہیں کہ مرکزی حکومت کے کہنے پر برائے کرم متعلق اداروں کو ضروری ہدایت جاری کریں کہ وہ نیوز سائیڈ نیوز کلک کے صحافیوں کے خلاف کی جانے والی مذکورہ کاروائی کو فوری طور پر روکیں، تاکہ ملک کا میڈیا آزادانہ طور پر اپنا کام کر سکے اور جمہوری روایات کی پاسداری ہو سکے۔
