دارالحکومت دہلی سے متصل نوئیڈا میں کانگریس کارکنان کا تیسرے روز بھی پٹرول اور ڈیزل کی قیمتوں میں اضافہ کو لیکر مظاہرہ جاری رہا۔ اس دوران پولیس نے احتجاج کرنے والے کانگریس کارکنان کو حراست میں لے لیا ہے۔ نوئیڈا سیکٹر تھانہ 20 کی پولیس نے دفعہ 151 کی خلاف ورزی کے تحت کارروائی کی ہے۔ کانگریس کارکنان مسلسل تین دن سے پٹرول اور ڈیزل کی قیمتوں میں اضافے کے خلاف سراپا احتجاج کر رہے ہیں۔
پہلے دن کانگریس کارکنان نے چار پہیے والی گاڑی کو رسی سے باندھ کر کھینچتے ہوئے احتجاج کیا۔
دوسرے دن کپڑے اتار کر حکومت کے خلاف احتجاج کیا۔ تو وہیں تیسرے دن بھی احتجاج کر رہے تھے کہ تبھی نوئیڈا سیکٹر 20 تھانے کی پولیس فورس نے کانگریس کارکنان کو حراست میں لیا۔
اس احتجاج میں میٹروپولیٹن صدر سہاب الدین، کسان کانگریس کے ضلعی صدر گوتم اوانہ ، یوتھ کانگریس کے ضلعی صدر پور شوتم ناگر ، یوتھ کانگریس کے ریاستی سکریٹری للت اوانا ، اتر پردیش کانگریس کمیٹی کے ممبر اشوک شرما ، روہت آوانا ، بٹو اوانہ ، راہل ناگر ، لالہ ناگر ، بیگراج دھاما۔ ، سورج بی ڈی سی ، نیرج تنور اور دیگر موجود رہے۔
