وزیراعظم نریندر مودی کی یوم پیدائش کے موقع پر کانگریس کے کارکنان نے بڑھتی بے روزگاری اور مہنگائی کی مخالفت میں گلے میں ٹماٹر اور آلو کی مالا پہن کر ہاتھ میں کٹورا لےکر عوام سے بھیک مانگی۔
مرادآباد میں مہنگائی کے خلاف کانگریس کا احتجاج
مرادآباد ضلع کانگریس صدر ونود گمبر نے ضلع مجسٹریٹ لالتا پرساد کے ذریعہ گورنر کے نام ایک میمورنڈم دیا گیا جس میں کہا گیا ہے کہ ملک بھر میں مسلسل مہنگائی بڑھتی ہی جا رہی ہے اور تعلیم یافتہ نوجوان بے روزگار گھوم رہے ہیں۔
مزید پڑھیں: 'حکومت کا رخ نہیں بدلا تو نوجوان سرکار بدل دیں گے'
انہوں نے مزید کہا کہ وزیر اعظم نریندر مودی نے لوگوں کے ہاتھ میں بھیک کا کٹورا دے دیا ہے۔ لوگوں سے روزگار چھین کر بے روزگار کر دیا ہے۔ مودی حکومت ملک کو برباد کر رہی ہے۔
