اتر پردیش کانگریس کمیٹی کے حکم پر 'مرادآباد کانگریس سیوا دل' کے صوبائی نائب صدر صغیر سعید کی قیادت میں تمام کانگریسی عہدیداروں و کارکنان نے مرکزی حکومت اور صوبائی حکومت کے خلاف احتجاجی مظاہرہ کیا۔
مرادآباد: مرکزی حکومت کے خلاف کانگریس کا احتجاج
اس مظاہرے کے دوران ڈی ایم کے ذریعے صدر جمہوریہ کو ایک میمورنڈم بھیج کر ایودھیا کے رام مندر کی تعمیر میں جنم بھومی ٹرسٹ کے ذریعے کروڑوں کی بدعنوانی کی سی بی آئی جانچ کرانے کا مطالبہ کیا۔
ضلع کانگریس کمیٹی کے کارکنان نے احتجاج کے دوران ای ٹی وی بھارت سے بات چیت کرتے ہوئے کہا کہ ایودھیا میں رام مندر کی تعمیر میں رام جنم بھومی ٹرسٹ کے ذریعے کروڑوں روپے کا غبن کرکے عقیدت مندوں کو ٹھیس پہنچائی گئی ہے۔
ان کا کہنا ہے کہ تمام لوگوں نے رام جنم بھومی میں چندہ دیا تھا لہٰذا اس غبن سے تمام مذاہب کے لوگوں کو ٹھیس پہنچی ہے۔
