نوئیڈا: کسانون کی رہائی کے لیے کانگریس کا احتجاج

کانگریس رہنما نے کہا کہ جمہوریت میں پرامن طریقہ سے احتجاج اور مطالبات کا سب کو حق ہے لیکن جب سے بی جے پی اقتدار میں آئی ہے، یہ آئینی حق بھی چھیننا چاہتی ہے۔

ریاست اتر پردیش کے ضلع گوتم بدھ نگر نوئیڈا مہانگر کانگریس کمیٹی کے صدر شہاب الدین نے کہا کہ 'جمہوریت میں سب کو اظہار رائے کا حق ہے۔ دفعہ 144 کا خوف دکھا کر اتھارٹی کسانوں کا استحصال کرہی ہے۔'

انہوں نے کہا کہ 'حکومت کے اس رویہ کو کانگریس پارٹی برداشت نہیں کرے گی۔ فوری گرفتار کسانوں کو رہا کیا جائے اور ان کے مطالبات پورے کئے جائیں۔'

شہاب الدین نے کہا کہ 'کسان پر امن طریقے سے احتجاج کر رہے ہیں۔ بی جے پی حکومت پولیس کے زور پر کسانوں کو غیر جمہوری طریقے سے کچلنا چاہتی ہے۔کانگریس جیل میں بند کانگریسی رہنما اور کسانوں کی جلد رہائی کا مطالبہ کرتی ہے اگر ایسا نہ کیا گیا تو سڑکوں پر احتجاج کیا جائے گا۔'

کانگریس ترجمان پون شرما نے کہا کہ 'جمہوریت میں پرامن طریقہ سے احتجاج اور مطالبات کا سب کو حق ہے لیکن جب سے بی جے پی اقتدار میں آئی ہے یہ آئینی حق بھی چھیننا چاہتی ہے۔ اس موقع پر کانگریسی کارکنان کی بڑی تعداد موجود تھی۔