کانگریس کے سینئر رہنما ونود مشرا کا کورونا کے سبب لکھنؤ کے ایس جی پی جی آئی میں ہفتے کی رات انتقال ہوگیا ہے۔
اطلاعات کے مطابق پی این بی کے سابق ڈائریکٹر ونود مشرا 3 ستمبر سے کورونا متاثر تھے، اور ہسپتال میں داخل تھے۔
ونود مشرا رائے بریلی امیٹھی کے پرانے کانگریسی و گاندھی خاندان کے قریبی مانے جاتے ہیں، یکم ستمبر کو ان کی والدہ کا بھی کورونا کے سبب انتقال ہوگیا تھا۔
امیٹھی کے تلوئی اسمبلی حلقہ کے پاکرگاؤں کے رہنے والے ونود مشرا شروع سے ہی کانگریس پارٹی سے منسلک رہے، راجیو گاندھی کے دور حکومت سے ان کی پارٹی کے تئیں ہمدردی، محبت رہی، وہ گاندھی خاندان کے بے حد بھروسہ مند کارکن مانے جاتے تھے۔
ونود مشرا کی موت پر کانگریس رہنما پرینکا گاندھی سمیت کانگریس کے کئی سیاسی رہنماؤں نے دکھ کا اظہار کیا ہے۔
