کانگریس رہنما پرمود تیواری، پرینکا گاندھی اور بگھیل کے قید و بند پر سخت برہم

کانگریس پارٹی کے سینئر رہنما پرمود تیواری نے یوگی حکومت پر تنقید کرتے ہوئے کہا کہ' وزیر اعلی بھوپیش بگھیل کو لکھنؤ ایئرپورٹ سے باہر آنے کی اجازت نہ دینا یہ اتر پردیش اور چھتیس گڑھ کے عوام کی توہین ہے۔

کانگریس پارٹی کے سینئر رہنما پرمود تیواری نے آج لکھنو پارٹی دفتر میں پریس کانفرنس سے خطاب کرتے ہوئے یوگی قیادت والی حکومت کو تنقید کا نشانہ بنایا۔

ای ٹی وی بھارت سے خاص بات کرتے ہوئے انہوں نے کہاکہ کانگریس پارٹی کی جنرل سیکریٹری پرینکا گاندھی واڈرا کی گرفتاری اور ریاست چھتیس گڑھ کے وزیر اعلی بھوپیش بگھیل کو لکھنؤ ایئرپورٹ سے باہر آنے کی اجازت نہ دینا یہ اتر پردیش اور چھتیس گڑھ کے عوام کی توہین ہے۔

انہوں نے کہاکہ پرینکا گاندھی پر دفعہ 151 اور 144 کے تحت ایف ائی آر درج گرفتار کیا گیا ہے جو بے بنیاد ہے، ان دفعات کی پولیس وجہ بتائے ورنہ کانگریس پارٹی سے معافی مانگیں۔ انہوں مزید کہاکہ دس تاریخ کو وزیر اعظم نریندر مودی کے پارلیمانی حلقے بنارس میں پرینکا گاندھی ریلی کرنے جا رہی تھیں، اسی کے خوف سے ان کی گرفتاری ہوئی ہے'۔

موجودہ حکومت حزب اختلاف کے سیاسی رہنماؤں پر تانا شاہی رویہ اختیار کر ان کی آواز دبانا چاہ رہی ہے، لیکن کانگریس پارٹی پورے شدومد کے ساتھ عوام کی آواز کو بلند کرے گی'۔

جس طرح لکھیم پور کھیری میں کسانوں کے ساتھ ظلم و تشدد ہوا قتل و غارت گری کا دل دوز واقعہ پیش آیا وہ قابل مذمت ہے۔ اس سے اتر پردیش حکومت کا اصلی چہرہ سامنے آیا ہے۔

انہوں نے کہا کہ لکھیم پور میں اگر 144 نافذ ہے تو سیتا پور جانے کی اجازت کیوں نہیں دی جا رہی ہے۔ چھتیس گڑھ کے وزیر اعلی بھوپیش بگھیل کھیل کے ساتھ جو سلوک کیا جارہا ہے، وہ قابل مذمت ہے۔ ہر وزیر اعلی کا خاص پروٹوکول ہوتا ہے لیکن لکھنؤ آتے ہی ان کے ساتھ ایک عام انسان سے بھی بدتر رویہ اختیار کیا گیا۔'