بی جے پی سے عوام کا اعتماد کم ہوا : پنیا

ریاست اتر پردیش کے بارہ بنکی میں ای ٹی وی بھارت سے خصوصی گفتگو میں پی ایل پنیا نے ضمنی انتخابات میں ناکامی کی وجوہات بتائی۔

ریاست اتر پردیش کے بارہ بنکی میں خصوصی گفتگو میں پی ایل پنیا نے ایک سوال کے جواب پر کہا کہ 'انتخابات میں تمام پارٹیاں زور لگاتی ہیں، لیکن کامیاب ایک ہی ہوتا ہے۔'

پی ایل پنیا کے مطابق 'یوپی کی 11 اسمبلی نشست کے ضمنی انتخابات میں ناکامی کے باوجود کانگریس کے حوصلے بلند ہے، کانگریس کو بھلے ہی کوئی نشست نہ جیتی ہو لیکن اسے اس بات کی خوشی ہے کہ اس کا ووٹ شئیر بڑھا ہے، جس کا سیدھا مطلب یہ ہے کہ بی جے پی سے عوام کا اعتماد کم ہوا ہے۔'

بی جے پی کو زیادہ نقصان نہ ہونے کے سوال پر انہوں نے کہا کہ 'بی جے پی کو بھلے ہی ایک سیٹ کا نقصان ہوا ہو، لیکن اس سے واضح ہو جاتا ہے کہ بی جے پی سے عوام کا اعتماد کم ہوا ہے اور کانگریس کے ووٹ شئیر میں اضافہ ہوا ہے۔