مظفرنگر: ریاست اترپردیش کے ضلع مظفرنگر میں اسمبلی انتخابات 2022 Assembly Elections میں جہاں نامزدگی کا دور جاری ہے تو وہیں کانگریس پارٹی نے بھی اپنے امیدواروں کی فہرست جاری کر دی ہے۔
اس ضمن میں کانگریس کی رہنما معراج جہاں مظفرنگر شہر سیٹ سے ٹکٹ نہ ملنے پر پھوٹ پھوٹ کر رو پڑیں اور خواتین کے لیے چالیس فیصد ریزرویشن کو بھی جھوٹا قرار دیا۔ Congress Leader Cries After being Denied Of Ticket
پارٹی اور پرینکا گاندھی پر الزام لگاتے کہا کہ 'لڑکی ہوں لڑ سکتی ہوں' جیسے نعرے کے برعکس وہ خواتین کا حوصلہ توڑنے کا کام کر رہی ہیں۔'
ہم نے کانگریس پارٹی کے لئے مظفرنگر میں بہت کچھ کیا لیکن کانگریس پارٹی نے ہمیں ان دیکھا کر دھوکہ دیا۔'
یہ بھی پڑھیں: UP Polls 2022: اکھلیش یادو پر اعتماد شکنی کا الزام
انہوں نے کہا کہ پرینکا گاندھی کی فیملی ہے لیکن میں نے کانگریس پارٹی کے لیے اپنی فیملی تک نہیں بنائی۔
واضح رہے کہ معراج جہاں نے وارڈ-5 سے ضلع پنچایت ممبر کا الیکشن بھی کانگریس سے لڑا تھا، جس میں انہیں شکست کا سامنا کرنا پڑا تھا۔
معراج جہاں کے مطابق وہ گذشتہ 13 سالوں سے کانگریس میں خدمات انجام دے رہی ہیں۔ گذشتہ اسمبلی انتخابات میں بھی ان کا ٹکٹ کانگریس ہائی کمان نے کاٹ دیا تھا۔
معراج جہاں کا الزام ہے کہ اس بار ریاستی صدر سمیت کانگریس کے کئی سینئر رہنماؤں نے انہیں یقین دلایا تھا کہ اس بار ان کو ٹکٹ ضرور ملے گا، لیکن پارٹی نے دوسرے امیدوار ٹکٹ دے دیا۔
