صدیوں سے امام بارگاہوں اور مساجد سے مذہب دین اور اسلام کی تعلیمات دینے کا سلسلہ عام ہے، جس سے دنیا اور آخرت کو سنوارنے کی کوشش کی جاتی رہی ہے اسی مقصد کے تحت میرٹھ کے زیدی نگر سوسائٹی میں واقع امام بارگاہ پنجتنی میں امام حسین فاؤنڈیشن کے زیر اہتمام ایک کیریر گائیڈینس پروگرام کا انعقاد کیا گیا جس میں ماہرین تعلیم نے والدین اور طلبا و طالبات کو تعلیم کی اہمیت بتاتے ہوئے مختلف شعبہ جات سے متعلق اہم جانکاریاں دیں۔
زیدی نگر سوسائٹی میں سماجی تنظیم امام حسین فاؤنڈیشن کی جانب سے منعقد اس کیریر گائڈینس پروگرام کا میں طلباء کے مستقبل کو لیکر غور و فکر کرتے ہوئے طلبا کی دلچسپی کے پیش نظر مختلف شعبہ جات سے متعلق اہم پہلوں پر روشنی ڈالی گئی۔ماہرین تعلیم نے کہا کہ تیزی سے بدلتے دور میں تعلیمی پالیسیوں کے مطابق طلباء خود کو ڈھال کر اپنے لیے مستقبل میں بہتر متبادل تلاش کر سکیں۔
اس پروگرام میں میں موٹیویشنل اسپیکرز روشن عباس زیدی اور سید معصوم رضا نے شرکت کی اور نئی تعلیمی پالیسی کے تحت اپنی تقریر کے ذریعے طلباء اور والدین کی حوصلہ افزائی کی کہ کس طرح آنے والے دور میں وہ اپنے بچوں کے لیے بہتر کیریر تلاش کر سکیں۔
مزید پڑھیں:AMU Court Member Complaint اے ایم یو کورٹ ممبر نے وزیر تعلیم کو تحریری شکایت کی
طلباء کے مستقبل کو لیکر فکر مند رہنے والی سماجی تنظیم امام حسین فاؤنڈیشن کے زیر اہتمام کیریئر گائڈینس پروگرام کے انعقاد کا مقصد بھی یہی ہےکہ طلباء کو اپنا کیریئر کا انتخاب کرنے میں کسی طرح کی مشکلات کا سامنا نہ کرنا پڑے اور وہ اپنے لیے بہتر متبادل تلاش کر سکیں۔
