اتر پردیش کے وزیر اعلی یوگی آدتیہ ناتھ کے اشتہارات بھلے ہی اترپردیش کو نمبر ون پردیش اور اسمارٹ سٹی ہونے کا دعوی کرتا ہوں لیکن زمینی صورتحال اس کے برعکس ہیں۔
ایک طرف جہاں حکومت ریاست میں ترقی اور بہتری کے دعوے کررہی ہے، وہیں دوسری جانب سڑکوں اور دیگر تمام ترقیاتی کاموں کے حالات بد سے بدتر نظر آتے ہیں۔
اطلاعات کے مطابق ضلع بدایوں میں کل 6 اسمبلی حلقوں میں سے 5 سیٹوں پر بھارتی جنتا پارٹی کا قبضہ ہے جبکہ ان میں سے ایک سیٹ بدایوں صدر کی سیٹ سے بی جے پی کے رکن اسمبلی مہیش چندر گپتا ریاستی حکومت میں وزیر مملکت کے عہدے پر فائز ہیں۔ لیکن آج بھی یہاں کی سڑکیں خستہ حال ہیں۔
واضح رہے کہ اتر پردیش کے پسماندہ اضلاع میں سے بدایوں ضلع میں سڑکیں اور دیگر ترقیاتی کاموں کے حالات بے حد افسوس ناک ہیں۔ ریاستی حکومت بھلے ہی پردیش کے نمبر ون ہونے کا دعوی کرتی ہو لیکن زمینی حقیقت اور بھارتیہ جنتا پارٹی کے دعوؤں میں زمین آسمان کا فرق ہے۔
