ریاست اترپردیش کے گوتم بدھ نگر میں کانگریس پارٹی کو مضبوط بنانے کے لیے اعلیٰ قیادت کی کوشش جاری ہے، اس تناظر میں نوئیڈا کے ودیت چودھری کو ریاست اترپردیش کا جنرل سیکرٹری بنایا گیا ہے۔
ودیت چودھری کو کانگریس کمیٹی کا ریاستی جنرل سکریٹری بنائے جانے کے بعد نوئیڈا کانگریس کے تمام عہدیداروں نے انہیں پھولوں کا ہار اور گلدستہ پیش کرکے استقبال کیا اور کانگریس کی اعلیٰ قیادت کا شکریہ ادا کیا۔
اس موقع پر ودیت چودھری نے کہا کہ ہمیں جو اعلیٰ قیادت نے زمہ داری سونپی ہے، اسے احسن طریقے سے پورا کرنے کی کوشش کرتا رہوں گا۔
اس موقع پر سابق رکن اسمبلی اور سابق ڈپٹی سپیکر دہلی حکومت امریش سنگھ گوتم بھی موجود تھے۔
علاوہ ازیں مہانگر کانگریس کمیٹی نوئیڈا کے صدر شہاب الدین، مہانگر کانگریس کمیٹی نوئیڈا کے سابق چیئرمین مکیش یادو، یوتھ کانگریس گوتم بدھ نگر کے ضلع صدر پرشوتم ناگر، کسان کانگریس ضلع صدر گوتم اوانا، مہانگر کانگریس کمیٹی نوئیڈا کے نائب صدر للت اوانا، اترپردیش کانگریس کمیٹی کے رکن لیاقت چودھری، اترپردیش کانگریس کمیٹی کے رکن ستندر شرما وغیرہ نے بھی ہار پہنا کر استقبال کیا۔
