بجنور: شادی ہال میں کھانے پر ہنگامہ

ریاست اترپردیش کے ضلع بجنور کے نورپور تھانہ علاقے میں واقع ایک شادی خانہ میں باراتی اور گھر والوں کے درمیان کھانے کی وجہ سے مار پٹائی شروع ہوگئی۔

بجنور کے ایک نجی شادی خانہ میں شادی تقریب کے دوران زبردست مارپٹائی ہوئی اور حیرت کی بات یہ ہے کہ محض کھانے کی وجہ سے لوگوں نے ایک دوسرے کے ساتھ تشدد شروع کردی۔

دیکھتے ہی دیکھتے کھانے کو لے کر شادی کی تقریب میں موجود کچھ لوگوں کے درمیان بحث و تکرار شروع ہوگئی اور یہ معاملہ مار پٹائی پر ختم ہوا۔

فریقین میں ہاتھ پائی ہوئی، جس میں دو افراد زخمی ہوگئے۔

دونوں زخمی افراد کو نورپور کے اسپتال میں علاج کے لیے داخل کرایا گیا۔