بچے کے اغواء کی کوشش ناکام

ریاست اتر پردیش کےگوتم بدھ نگر کےسیکٹر 44 میں پارک کے قریب سے تین سالہ بچے کو اغواء کی کوشش ناکام کرتے ہوئے مقامی افراد نے پکڑلیا۔

سیکٹر 44 میں واقع چھلرا پارک کے قریب ایک خاتون ٹھیلہ لگاتی ہیں جبکہ ان کا تین سالہ بچہ وہیں کھیل رہا تھا اسی درمیان ایک نوجوان نے بچے کو اغواء کرنے کی کوشش کی لیکن وہاں موجود افراد نے اسے رنگے ہاتھوں پکڑ لیا۔

تفصیلات کے مطابق بچے کی ماں کے علاوہ پارک میں موجود لوگوں کی نظر اغواء کار پر پڑی جو بچے کو لے کر بھاگنے کی کوشش کر رہا تھا لیکن اس یہ کوشش لوگوں نے ناکام کردی۔ جبکہ موقع واردات پر موجود خواتین نے ملزم شخص کو پٹائی شروع کر دی۔

ملزم کی شناخت عامر نام سے ہوئی ہے جو چھلیرا گاؤں نوئیدا کا رہنے والا ہے، پولیس نے جائے واردات پر پہنچ کر اسے حراست میں لے لیا ہے۔