ریاست اتریردیش کے ضلع سہارنپور کے امبالا شاہراہ پر واقع ساگر رتنا ہوٹل میں آج اچانک آگ لگنے سے ہوٹل میں قیام کر رہے مسافروں اور سٹاف میں افراتفری مچ گئی، اطلاع ملتے ہی فائر بریگیڈ کی گاڑیوں کی مدد سے آگ پر قابو پایا گیا۔
اطلاع کے مطابق سہارنپور کے امبالا روڑ پر واقع ساگر رتنا ہوٹل اور ریسورٹ میں شارٹ سرکٹ کی وجہ سے ہوٹل کی دوسری منزل پر اچانک آگ لگ گئی۔ دیکھتے ہی دیکھتے آگ نے خطرناک شکل اختیار کر لی، اچانک آگ لگنے سے ہوٹل میں قیام کر رہے مسافروں اور سٹاف میں بھی افراتفری مچ گئی۔
فائر بریگیڈ کے اہلکاروں کو جب اس کی اطلاع دی گئی تو فوراً چار فائر بریگیڈ کی گاڑیوں نے موقع پر پہنچ کر آگ پر قابو پایا۔
اس سلسلے میں ایس پی سٹی ونت بھٹنا گر نے بتایا کہ مذکورہ ہوٹل میں آگ لگنے کے فوراً بعد فائر بریگیڈ کے اہلکاروں کو بلایا گیا، اور انہوں نے موقع پر پہنچ کر آگ پر قابو پایا۔
آگ لگنے کی وجوہات کا ابھی کچھ پتہ نہیں چلا ہے، فی الحال ایسا مانا جارہا ہے کہ یہ آگ شارٹ سرکٹ کی وجہ سے لگی ہے، اس کی وضاحت جانچ کے بعد ہی ہوپائے گی۔
