سینکڑوں فوجی جوان چنپل کی گھاٹی کے کنارے جنگل میں ٹریننگ کرنے کے علاوہ تین ہیلی کاپٹروں کی گڑگڑاہٹ اس کی اہم وجہ مانی جارہی ہے۔ سہسو کے تھانہ انچارج جتیندر کمار شرما کے مطابق فوج کے افسران کا جو بھی مومنٹ چنبل ندی کے کنارے تھا وہ بے حد خفیہ تھا۔ جمعہ کی دوپہر فوج کے جوانوں کی چنبل ندی کے کنارے آمدو رفت دیکھی گئی ہے۔ ایسا معلوم ہوتا ہے کہ شاید فوج کے جونواں کی جنگل میں ٹریننگ ہورہی ہوگی۔
اس ضمن میں فوج کی جانب سے کسی بھی قسم کی جانکاری مقامی پولیس کو نہیں دی گئی ۔ مقامی لوگوں نے ہیلی کاپٹروں کے چنبل ندی کے اوپر اڑتے ہوئے دیکھے جانے کی بات کہی ہے۔ لیکن ان کا مقصد کیا تھا یہ واضح نہیں ہوسکا ہے۔ چنبل ندی کنارتے اترے تین ہیلی کاپٹرعلاقے میں موضوع گفتگو ہیں۔
اس دوران راہ گیر چنبل پل پر تماشہ بین بنے رہے۔ کچھ وقت بعد فوج کی گاڑیاں واپس بکیوار کی طرف چلی گئیں لیکن انتظامیہ کو اس ضمن میں کچھ بھی احساس نہیں ہوا۔
چنبل کی ریت میں اچانک آدھا درجن ہیلی کاپٹروں کے اترنے سے علاقے کے عوام حیران رہ گئے۔ چنبل پل پر راہگیروں کی بھیڑلگ گئی۔ اسی بیچ کچھ وقت میں ہیلی کاپٹر تو اڑ گئے لیکن چنبل ندی کنارے فوجی ڈریس میں تقریبا ایک سو جوانوں کی فوج دکھائی دی۔
سبھی جوان ایک سے ڈیڑھ گھنٹے تک ریت میں چنبل پل کے نزدیک تقریبا دو کلو میٹر اوپر ندا مٹہٹی گاؤں کے نیچے کھڑے رہے۔ دو ٹولی بنا کر چنبل پل پر پہنچے اور پل پہنچی چار گاڑیوں میں سوار ہوکر چکر نگر کی طرف چلے گئے۔
