لونی بارڈر پولیس اسٹیشن نے لونی سے رکن اسمبلی نند کشور گرجر کے خلاف اشتعال انگیز بیان، نعرہ دینے اور اپنے دفتر میں حامیوں کے ساتھ کووڈ رہنما خطوط کی خلاف ورزی کرنے پر مقدمہ درج کیا گیا ہے۔ Case Registered Against Loni BJP MLA ویڈیو سوشل میڈیا پر وائرل ہونے کے بعد پولیس نے کارروائی کی۔ لونی کے ریٹرننگ آفیسر سنتوش کمار رائے کا کہنا کہ گرچہ بی جے پی رکن اسمبلی نے اشتعال انگیز بیان کیس میں اپنا جواب داخل کیا ہے، جسے الیکشن کمیشن کو بھیجا جائے گا۔
لال باغ پولس چوکی کے انچارج ونود کمار اہلوت کے مطابق انتخابات اور کووڈ-19 کے پھیلاؤ کے پیش نظر الیکشن کمیشن نے یوپی میں کسی بھی امیدوار کو ریلی نکالنے کی اجازت نہیں دی ہے۔ لیکن بی جے پی امیدوار نند کشور گرجر اپنے حامیوں کے ساتھ لونی، بلرام نگر میں اپنے دفتر کے صحن میں ڈھول بجا کر انتخابی مہم چلا رہے تھے۔
اس کی ویڈیو سوشل میڈیا پر وائرل ہوگئی۔ خود نند کشور گرجر بھی ڈھول بجا رہے ہیں۔ اس کے علاوہ رکن اسمبلی نے ایک اشتعال انگیز نعرہ بھی لگایا، جس پر انہیں نوٹس بھیجا گیا ہے۔ Case Registered Against Loni BJP MLA
پولیس نے وائرل ویڈیو اور تحریر کی بنیاد پر دفعہ 188، 269,505B کے تحت رپورٹ درج کی ہے۔ تحقیقات کے بعد رپورٹ الیکشن کمیشن کو بھجوائی جائے گی۔'
لونی سے رکن اسمبلی و بی جے پی امیدوار نے پریم نگر کالونی کے قریب اپنا انتخابی دفتر کھولا ہے۔ یہاں سے انہیں نامزدگی کے لیے جانا تھا۔ کارکنوں کا ہجوم دفتر پر جمع ہوگیا۔ وہاں موجود زیادہ تر لوگ ماسک نہیں پہنے ہوئے تھے۔ اس کے ساتھ ہی کورونا گائیڈ لائنز کی دھجیاں اڑائی گئیں۔ یہاں بھی اشتعال انگیز اور متنازع نعرہ دوبارہ دہرایا گیا جس میں انہوں نے کہا کہ نا 'علی نہ باہو بلی' صرف بجرنگ بلی۔ اس متنازع نعرے پر ریٹرننگ آفیسر نے چار روز قبل نوٹس جاری کیا تھا اس کے باوجود انہوں نے کلیکٹریٹ میں وہی نعرہ دہرایا۔
مزید پڑھیں:
