ریاست اتر پردیش کے دارالحکومت لکھنؤ میں واقع بخشی کے تالاب تھانہ علاقہ میں شادی شدہ خاتون کی مشتبہ حالات میں موت ہوگئی۔ ہلاک خاتون کے لواحقین نے اس کے شوہر اور سسر پر قتل کرنے اور اسے پھندے سے لٹکانے کا الزام عائد کیا ہے۔ پولیس نے واقعے کی رپورٹ درج کرلی ہے۔
چھ مئی کو بخشی کے تالاب تھانہ علاقے کے گاؤں چنداکوڑر سے ایک شادی شدہ خاتون کی لاش ملی۔ شادی شدہ خاتون کی لاش مشکوک حالات میں گھر کے اندر کمرے میں پھانسی کے پھندے پر لٹکی ہوئی ملی۔ متوفی خاتون کے والد سنتو نے بخشی کے تالاب پولیس اسٹیشن میں تحریر دی۔
مقتولہ خاتون کے والد نے اپنے داماد ونئے اور اور بیٹی کے سسر کے خلاف جہیز نہ دینے کے خلاف تحریر دی ہے۔ انسپکٹر برجیش سنگھ نے بتایا کہ 'تحریر کی بنیاد پر جہیز قتل کا مقدمہ درج کیا گیا ہے۔ واقعے کا تحقیقات افسر ڈاکٹر ہائیدش کٹھیریا ہیں۔
