ریاست اترپردیش کے ضلع علی گڑھ میں 23 فروری کو اوپر کوٹ کے علاقے میں سی اے اے کے خلاف مظاہرہ کے دوران تشدد میں وینے واشنے کی گولی سے زخمی طارق کی میڈیکل کالج میں موت ہو گئی ہے۔
ضلع علی گڑھ اوپر کوٹ کے علاقے میں ترمیم شدہ قانون شہریت کے خلاف پرامن احتجاج کے دوران پیش آئے واقعہ میں وینے واشنے نے فائرنگ کی جس میں طارق کے سینے میں گولی لگی تھی۔
23 فروری کو گولی لگنے کے بعد سے ہی طارق کا جواہر لعل نہرو میڈیکل کالج اے ایم یو میں علاج چل رہا تھا۔ گزشتہ دو روز سے حالت نازک ہونے کی وجہ سے طارق وینٹیلیٹر پر تھے۔جن کی موت ہو گئی۔
