'بی جے پی کو جمہوریت پر یقین نہیں'

کانگریس کے سینیئر رہنما راج ببر نے صحافیوں سے بات چیت کے دوران کہا کہ جس طرح سے رائے بریلی میں بی جے پی کے غنڈوں نے جمہوریت پر حملہ کیا ہے، وہ ناقابل برداشت ہے۔

انہوں نے کہا کہ رائے بریلی میں جس طرح سے بی جے پی کے کارکنان نے ہماری ایم ایل اے ادیتی سنگھ پر جان لیوا حملہ کیا اور دوسرے کارکنان پر پتھراؤ کیا، اس سے صاف ظاہر ہے کہ بی جے پی کو اپنی شکست یقینی لگ رہی ہے۔ لہذا وہ مارپیٹ پر اتر آئے ہیں، جو ملک کے جمہوریت کے خلاف ہے۔

رائے بریلی میں بی جے پی کے ضلع پنچایت رکن موجودہ صدر کے خلاف فلور ٹسٹ کرونا چاہ رہے تھے، اور مبینہ طور پر بی جے پی ورکرز نے انہیں روکنے کے لیے حملہ کیا اور اپنے منصوبے میں کامیاب بھی ہوئے۔

خیال رہے کہ ضلع پنچایت تقریباً52 ممبرز ہیں، جن میں سے 31 ممبران کانگریس پارٹی کے ہیں۔

راج ببر نے مزید کہا:' ہم نے اتر پردیش کے گورنر رام نائک سے ملاقات کی۔ گورنر نے یقین دلایا ہے کہ اس پورے معاملے کی تحقیقات کی جائے گی اور جو بھی قصوروار ہوگا انہیں سخت سے سخت سزا دی جائے گی'۔