بنارس: عید کے موقع پر ہمیشہ گلزار رہنے والا بازار سناٹے میں تبدیل

رمضان المبارک کا آخری عشرہ شروع ہوچکا ہے۔ اس موقع پر مسلمان عید کی تیاریاں زوروں پر کرنا شروع کر دیتے تھے، لیکن رواں برس کورونا وائرس کی وجہ سے جہاں ریاستی حکومت جزوی لاک ڈاؤن نافذ کر رہی ہے وہیں عوام کے دلوں میں کورونا وائرس کا خوف اس قدر ہے کہ گھروں سے باہر نہیں نکل رہے ہیں۔ یہی وجہ ہے کہ عید کے موقع میں ہمیشہ گلزار رہنے والا بازار اب سناٹے میں تبدیل ہے اور بے رونق ہے۔

بنارس کے دال منڈی بازار میں رمضان کے آخری عشرے میں میں خوب رونق ہوتی تھی۔ رات دن یہ بازار گلزار رہتی تھی لیکن رواں برس کورونا وائرس کی وجہ سے یہ بازار سناٹے میں تبدیل ہے۔

ڈالمنڈ علاقے کے رہنے والے عبدالحفیظ بتاتے ہیں کہ عید کے موسم میں یہاں کے کاروباری بڑے پیمانے پر کاروبار کرتے تھے اور قرب و جوار و دور دراز علاقوں سے لوگ خریداری کرنے آتے تھے۔

عید کی موسم میں یہ بازار خریداروں سے بھری رہتی تھی لیکن رواں برس کورونا وائرس اور جزوی لاک ڈاؤن نے بازار کی رونقوں کو ختم کر دیا ہے۔

وہیں تاجر تشویش میں مبتلا ہیں جبکہ خریدار بازار میں آنے سے پرہیز کر رہے ہیں۔ رواں برس عوام کیسے عید منائے گی، کس قدر خریداری کرے گی اس پر کچھ کہنا کہ ابھی قبل از وقت ہو گا۔

تاہم بازار کی رونق پوری طریقے سے ختم ہو چکی ہے تجارتی اور کاروباری افراد تشویش میں مبتلا ہیں۔

بتا دیں کہ بنارس کا دالمنڈی بازار تاریخی بازار ہے۔ یہاں پر ہر قسم کے ساز و سامان اور ملبوسات سستے قیمت پر فراہم کیے جاتے ہیں، جس کی وجہ سے کثیر تعداد میں لوگ اس بازار کا رخ کرتے ہیں۔