بسوں کی آمد و رفت دن بھر منسوخ رہی جس کی وجہ سے مسافر پورے دن پریشان رہے۔
در اصل یوپی روڈویز سے انڈر ٹیکنگ بس یو پی 41 اے ٹی 3396 منگل کی صبح ہیتماپور سے بارہ بنکی آ رہی تھی۔ محمدپور کھالا میں ایک خاتون بس میں سوار ہوئی اور سامان کو رکھنے کو لیکر کچھ بحث ومباحثہ ہوا جس کے بعد خاتون نے آنند بھون اسکول کے پاس کچھ لوگوں کو بلوا کر کنڈکٹر اور ڈرائیور کو پٹوا دیا۔
دونوں لوگوں کو 40 سے 50 افراد نے پیٹ پیٹ کر شدید زخمی کر دیا۔
بس کنڈکٹر اور بس مالکان کا الزام ہے کہ اس معاملے میں پولیس مناسب کاروائی نہیں کر رہی ہے، جس کی وجہ سے وہ غصہ ہوکر ہڑتال پر چلے گئں۔
اس کی وجہ بسوں کی آمدو رفت دن بھر ٹھپ رہی، جس کاسیدھا اثر مسافروں پر پڑا۔
بس مالکان اور کنڈکٹر نے انتباہ کیا ہے کہ جب تک اس معاملے میں ملزمین کے خلاف کاروائی نہیں ہوتی اور انہیں گرفتار نہیں کیا جاتا وہ اسی طرح ہڑتال کریں گے۔
دوسری جانب اے آر ایم آر ایس ورما نے یقین دہائی کرائی تھی کہ جلد ہی بسوں کی آمد و رفت شروع کر دی جائے گی لیکن ابھی کوئی نتیجہ نہیں نکل آیا۔
