ریاست اترپردیش کے ضلع گونڈہ کے دیہات کوتوالی علاقے کے کھرورا موہن گاؤں کے نزدیک آج بہرائچ سے گونڈہ جارہی اترپردیش ٹرانسپورٹ کارپوریشن کی بس کے پلٹ جانے سے 12 مسافر زخمی ہوگئے۔
ڈپٹی سپرنٹنڈنٹ آف پولیس لکشمی کانت گوتم نے بتایا کہ گونڈہ ڈیپو کی منظور شدہ بس بہرائچ سے مسافروں کو لے کر گونڈہ کی جانب جارہی تھی۔
کھرورا موہن گاؤں کے نزدیک اچانک اسٹیرنگ فیل ہوجانے کی وجہ بس بے قابو ہوکر سڑک کنارے پلٹ گئی۔
اس حادثے میں 12 مسافر زخمی ہوگئے، جس میں چار کی حالت نازک بتائی جاتی ہے۔
اطلاع ملنے پر موقع پر پہنچی پولیس نے زخمی مسافروں کو ہستپال میں داخل کرایا گیا ہے، انہوں نے بتایا کہ آٹھ زخمیوں کا ابتدائی علاج کرکے انہیں گھر واپس بھیج دیا، جب کہ چار زخمیوں کا علاج جاری ہے۔
