بنکرز کا فلیٹ ریٹ پر بجلی کا مطالبہ بدستور جاری

ریاست اترپردیش کے ضلع بنارس میں یکم ستمبر سے 15 ستمبر تک بنکرز پاور لوم بند کر کے ہڑتال پر ہیں، ان کا ریاستی حکومت سے مطالبہ ہے کہ 2006 سے فلیٹ ریٹ پر ملنے والی بجلی کو بحال کیا جائے۔

اس دوران ای ٹی وی بھارت سے بات کرتے ہوئے سیلیش پرتاب سنگھ نے کہا کہ 'بنکرز کے مسائل کو حل کرنے کے لیے 2006 میں ملائم سنگھ کی حکومت نے سبسڈی پر بجلی فراہم کیا تھا لیکن موجودہ حکومت نے جنوری 2020 سے سبسڈی پر ملنے والی بجلی کو ختم کر یونٹ کے اعتبار سے بجلی کا بل جمع کرنے کے لیے کہا ہے جس سے بنکرز طبقہ شدید مشکلات سے دوچار ہے۔'

انہوں نے بتایا کہ آمدنی کم ہے اور ایسی صورتحال میں آمدنی سے زیادہ بنکرز کو بجلی کا بل جمع کرنا پڑے گا یہی وجہ ہے کہ بنکر ہڑتال پر ہیں، انہوں نے کہا کہ اگر سبسڈی کی وجہ سے حکومت کروڑوں کا نقصان دیکھ رہی ہے تو دوسری طرف حکومت کو بنکرز کی جانب سے ملنے والے ٹیکس کو بھی دیکھنا چاہیے۔


ای ٹی وی بھارت سے بات کرتے ہوئے ببلو نے بتایا کی وزیراعظم نریندر مودی کا پارلیمانی حلقہ بنارس ہے جہاں کا بنکر انتہائی بدترین حالات سے دوچار ہو رہا ہے۔

انہوں نے کہا کہ 2014 میں بنارس کے بنکروں خوشی تھے کہ بنارس حلقے سے پارلیمانی رکن وزیراعظم کے عہدے پر فائز ہو نگے اور بنارس کے لوگوں میں خوشحالی آئے گی لیکن وزیراعظم نے بنارس کے لوگوں کو یکسر نظر انداز کیا اور حالات ایسے ہیں کہ بنکرز فاقہ کشی پر مجبور ہے.

بنکرز کا مظاہر

انہوں نے کہا کہ جب تک حکومت فلیٹ ریٹ بجلی فراہم نہیں کرتی تب تک کام نہیں کریں گے اور 15 ستمبر کے بعد بنکرز طبقہ بجلی کے کنکشن کو کٹانے کا کام کریں گے۔