'بہوجن سماج پارٹی کسانوں کے ساتھ ہے'

ضلع بجنور نگینے سے رکن پارلیمنٹ اور اتراکھنڈ صوبہ کے صدر گریش چندر اس موقع پر موجود رہے۔ انہوں نے مایاوتی کو مبارکباد پیش کی۔

ریاست اتر پردیش کے مرادآباد امبیڈکر پارک میں بہوجن سماج پارٹی کی صدر اور سابق وزیر اعلی مایاوتی کی یوم پیدائش کے موقع پر ایک تقریب کا انعقاد کیا گیا۔

ضلع بجنور نگینے سے رکن پارلیمنٹ اور اتراکھنڈ صوبہ کے صدر گریش چندر اس موقع پر موجود رہے۔ انہوں نے مایاوتی کو مبارکباد پیش کی۔ رکن پارلیمنٹ گریش چندر نے میڈیا سے بات چیت کرتے ہوئے کسانوں کے مسلے پر بولتے ہوئے کہا 'ہم اور ہماری پارٹی کسانوں کے ساتھ ہے۔ لیکن ہم سڑکوں پر اتر کر دیگر پارٹیوں کی طرح کسانوں کو بھڑکانے کا کام نہیں کر رہے ہیں۔ کسانوں کی ہمدردی میں سب سے پہلا ٹیوٹ بہن مایا وتی نے ہی کیا تھا'۔

انہوں نے کہا 'سنہ 2022 کے اسمبلی انتخابات میں ہم اقتدار میں آئیں گے اور بہن مایاوتی کو پانچویں بار ریاست کا وزیر اعلی بنائیں گے۔ حال ہی میں ہونے والے پنچایت کے انتخابات میں ہم جیت حاصل کرینگے اور یہ جیت ہی ہمیں سال 2022 میں کامیابی دلائیگی'۔