گاؤں والوں اور پولیس کی مداخلت سے معاملہ رفع دفع کیا گیا اور دونوں عورتوں کو اپنے اپنے شوہر کے ساتھ بھیج دیا گیا۔
اترپردیش ضلع بہرائچ کے تھانہ حضور پور کے تحت شیو منگل اپنی بیوی کو لینے گاؤں رانی پور اپنے سسرال پہنچا تو ساتھ میں اپنے برادرنسبتی کی بیوی کو بھی اپنے گھر لے جانے کی ضد کر بیٹھا۔
شیو منگل کی شادی تقریباً چھ سال قبل انیتا سے ہوئی تھی ان کے دو بچے بھی ہیں لیکن شیو منگل اپنے سسرال آنے جانے میں اپنا دل اپنی سرہج کو دے بیٹھا اور سرہج گیان وتی بھی شیو منگل سے محبت کرنے لگی تھی ان دونوں کے بیچ کافی دنوں سے محبت پروان چڑھ رہی تھی۔ یہ عاشقی اتنی پروان چڑھی کہ رشتہ ناتے کا خیال نہیں رکھا۔
اس کی خبر جب شیو منگل کی بیوی انیتا کو ہوئی تو انیتا ناراض ہو کر اپنے مائیکے میں آگئی اور تقریباً دو سال سے مائکے میں رہ رہی ہے، وہیں جب انیتا کے بھائی کو اپنی بیوی کی اس حرکت کی جانکاری ہوئی تو میاں بیوی میں آپسی تناؤ پیدا ہو گیا اور گیان وتی بھی ذیادہ تر اپنے مائکے میں رہنے لگی، گاؤں والوں کا کہنا ہے کہ ایک بار یہ عاشق جوڑا اپنے ناکامیابی کے خاطر زہر تک کھا چکے ہیں وہ الگ بات ہے کہ دونوں بچ گئے،اب چونکہ معاملہ اتنا بڑھ گیا تو شیو منگل اپنی بیوی کو لینے سسرال پہنچا تو وہاں سے بیوی کے ساتھ سرہج کو وداع کرانے کے لیے بضد ہو گیا اور برادر نسبتی و بہنوئی کے بیچ کہا سنی ہونے لگی۔
موقع کی نزاکت کو دیکھ پڑوسیوں نے اس کی اطلاع پولیس کو دی، موقع پر پہنچی پولیس نے معاملے کو وہیں گاؤں والوں کے ساتھ بیٹھ کر طے کرایا اور دونوں عورتوں کو اپنے اپنے خاوند کے ساتھ رہنے پر راضی کر شیو منگل کو انیتا کے ساتھ اسکے گھر روانہ کر دیا-
