اینٹ بھٹوں پر نافذ کئے گئے نئے جی ایس ٹی سلیب کی مخالفت میں پیر کے روز اترپردیش کے بارہ بنکی ضلع اینٹ بھٹا مالکان نے اینٹ نرمان سمیتی کی جانب سے احتجاج کیا اور اپنے مطالبات پر مشتمل دو میمورنڈم مرکزی وزیر خزانہ اور وزیر مملکت برائےخزانہ کو بذریعہ ضلع مجسٹریٹ دیا۔
اینٹ بھٹا مالکان کا مطالبہ ہے کہ انہیں جی ایس ٹی کے پرانے سلیب میں رکھا جائے نہیں تو اس سے ہر کوئی متاثر ہوگا۔
واضح ہو کہ جی ایس ٹی کاؤنسل کی 45ویں میٹنگ میں اینٹ بھٹوں پر 6-12 فیصدی جی ایس ٹی کا سلیب نافذ کر دیا گیا ہے۔ پہلے اینٹ بھٹوں پر یہ شرح صرف ایک فیصدی تھی۔
ان کا کہنا ہے کہ کرونا کے دور میں اینٹ بھٹا صنعت نقصان کے دور سے گزر رہی ہے۔ ان کی لاگت بڑھنے انہیں یہ رقم صارفین سے وصولنی پڑے گی. جس سے تعمیراتی کام متاثر ہوں گے۔ بے روزگاری بھی بڑھے گی۔ انہوں کہا کہ ابھی ہم اپنی بات کو ذمہ داران تک پہنچانے کی کوشش کر رہے ہیں۔ آگے اگر ہمارےمطالبات پر غور نہیں کیا گیا تو وہ بڑا احتجاج کرنے پر مجبور ہوجائیں گے۔
