یہ اراضی تنازعہ بعض اوقات بہت زیادہ بڑھ جاتا ہے، خون ریزی کی بھی نوبت آجاتی ہے۔
گذشتہ روز جونپور کے گاؤں سوناری اور امرا گاؤں کے مابین زمین کی ملکیت کے سلسلے میں تصادم ہوگیا۔
اس درمیان دونوں طرف کے لوگوں نے ایک دوسرے پر پتھراؤ کیا۔
اس پتھراؤ میں بہت سے لوگ زخمی ہوئے۔
اطلاع ملنے پر موقع واردات پر پولیس پہنچی اور پولیس اہلکار نے دو درجن سے زائد افراد کو گرفتار کیا۔
گرفتار افراد کو گورابادشاہ پور تھانہ لےلایا گیا، جہاں پوچھ گچھ دیر تک کی گئی۔
جب کہ زخمی افراد کو ضلع ہسپتال میں داخل کرایا گیا، جہاں ان سب کا علاج جاری ہے۔
ان میں سے کچھ افراد کو معمولی علاج کے بعد ہسپتال سے خارج کر دیا گیا، بقیہ افراد ابھی زیرعلاج ہیں۔
