بی جے پی کے قومی جنرل سکریٹری کا دو روزہ لکھنؤ دورہ

ملک کی سب سے بڑی ریاست اترپردیش میں آئندہ سال ہونے والے اسمبلی انتخابات کو لے کر بی جے پی نے کمر کس لی ہے۔ اس ضمن میں بی جے پی کے اعلیٰ رہنما لکھنؤ پہنچ کر کارکنان کے ساتھ میٹنگ کریں گے۔

اترپردیش میں آئندہ سال ہونے والے اسمبلی انتخابات کی تیاری میں بی جے پی لگ گئی ہے اس سمت میں بی جے پی کے قومی جنرل سکریٹری بی ایل سنتوش اور قومی نائب صدر سہ ریاستی انچارج رادھا موہن سنگھ پیر کے دن لکھنؤ کے دو روزہ دورے پر جائیں گے۔

واضح رہے کہ اس سے قبل بی ایل سنتوش اور رادھا موہن سنگھ 31 مئی سے دو جون تک لکھنؤ میں تھے۔ بعد میں چھ جون کو لکھنؤ آئے رادھا موہن سنگھ نے گورنر آنندی بین پٹیل اور اسمبلی اسپیکر ہدیے نرائن دکشت سے ملاقات کی تھی۔

دورے کے دوران بی جے پی رہنما کارکنان کے ساتھ میٹنگ کرکے کاموں کے بارے میں تفصیلی جانکاری حاصل کریں گے۔