بر جیش سنگھ نے تمام الزامات کو بے بنیاد بتایا ہے بی جے پی رہنما ششی تیاگی نے صحافیوں سے بات کرتے ہوئے کہا کہ دیوبند کے رکن اسمبلی کنور برجیش سنگھ پر ششی تیاگی نے اپنے اہل خانہ اور رشتہ داروں کو جھوٹے مقدمے میں پھنسا کر استحصال کرنے کا الزام عائد کیا ہے۔
انہوں نےکہا کہ کنور برجیش سنگھ ان کے والد اور چچا کے خلاف جھوٹے مقدمات درج کرا چکے ہیں اور اب ان کے کلسٹھ کے رہنے والے رشتے داروں کو جھوٹے مقدمہ میں پھنسا کر گرفتاری کے لیے پولیس کے ذریعہ دبش دلائی جا رہی ہے۔ جس کہ سبب اہل خانہ خوف میں مبتلا ہیں۔
ششی تیاگی نے بتایا کہ وہ اپنے مسئلے کو لے کر بی جے پی رہنماؤں کے پاس گئی مگر کسی نے اس کی کوئی مدد نہیں کی، جس کے بعد اب ان کے پاس برجیش سنگھ کے مکان پر خودکشی کرنے کے علاوہ کوئی چارہ نہیں ہے، جبکہ رکن اسمبلی بر جیش نے تمام الزامات کو بے بنیاد بتایا اور کہا کہ ششی تیاگی کے والد پر ان کے ہی گاؤں کے رہنے والے ایک شخص نے مقدمہ درج کرایا تھا، انہوں نےکہا کہ ششی تیاگی کلسٹھ کے جس معاملہ کی بات کر رہی ہے وہ لڑکی سے چھیڑ خانی کا سنگین معاملہ ہے،جس میں خود متاثرہ اس کی پیروی کر رہی ہے۔
