بجنور: نوجوان پر چاقو سے حملہ

بجنور میں دو نوجوانوں کے درمیان جھگڑا ہوگیا جس میں ویپل نامی نوجوان شدید طور پر زخمی ہو گیا۔

ویپل کو مقامی ہسپتال میں داخل کرایا گیا، حالت نازک ہونے کے سبب ڈاکٹرز نے اسے میرٹھ ضلع ہسپتال ریفر کردیا ہے۔

ریاست اترپردیش کے ضلع بجنور کے تھانہ دھامپور میں بسیڑا کنور میں آج شام ویپل و سنی ‏ کے درمیان کسی بات کو لے کر بحث ہوگئی معمولی سی بات کو لے کر سنی نے ویپل کے پیٹ میں چاقو سے حملہ کر دیا۔

جسے فورا مقامی ہسپتال میں داخل کرایا گیا حالت نازک دیکھتے ہوئے 17 سال کے ویپل کو سرکاری ڈاکٹروں نے میرٹھ ضلع ہسپتال ریفر کر دیا۔ وہیں زخمی ویپل کے والد مہندر سنگھ نے کہا کہ ان دونوں کی کوئی دشمنی یا جھگڑا نہیں تھا پھر بھی سنی نے ان کے بیٹے پر چاقو سے حملہ کر دیا اور اس کے بعد فرار ہوگیا۔ سنی کے خلاف تھانے میں تحریر دے دی ہے۔ پولیس پورے معاملے کی تفتیش کر رہی ہے۔