اِس موقع پر بھارتیہ کسان یونین کے ضلع صدر دھیرج لاٹیان نے کارکنان سے خطاب کیا۔
بھارتیہ کسان یونین کا یہ احتجاج بڑھی ہوئی مہنگائی، بجلی بل کی قیمتوں میں اضافہ، گننے کی بل کی ادائیگی میں تاخیر کو لے کر احتجاج کیا۔ مظفر نگر کے سبھی تحصیلوں میں زبردست احتجاجی مظاہرہ کیا گیا۔
بھارتیہ کسان یونین کے ضلع صدر دھیرج لاٹیان نے کہا کہ اترپردیش کے کسان کو نقدی کی دقت درپیش ہے۔ کووڈ ۔19 میں لاک ڈاؤن کی وجہ سے کسان کو بھاری نقصان اٹھانا پڑ رہا ہے۔
انہوں نے الزام لگایا کہ حکومت کی جانب سے کسانوں کو ابھی تک کوئی معاوضہ نہیں ملا ہے۔
ریاستی حکومت نے بھی ڈیزل اور پٹرول کی قیمتوں میں اضافہ کرکےکسانوں کی زندگی کو اور مشکل کر دیا ہے۔
انہوں نے وزیر اعلی کے نام ، ڈپٹی ڈسٹرکٹ مجسٹریٹ صدر کو ایک ایک میمورینڈم مختلف مطالبات کے بارے میں دیے۔
اس میمورنڈم میں انہوں نے اپیل کی کہ پیٹرول اور ڈیزل کی قیمیتوں میں کمی کی جائے نیز بجلی کے بل کو بھی کم کیا جائے تاکہ کسان اپنا کام آسانی سے کر سکیں۔
