سنبھل: بھارتیہ کسان یونین کا احتجاج، انتظامیہ کو میمورنڈم سونپا

زرعی قوانین کو لیکر غازی پور بارڈر پر کسانوں کا احتجاج جاری ہے۔ کسانوں کا مطالبہ ہے کہ مرکزی حکومت تینوں زرعی قوانین واپس لے اور ایم ایس پی پر قانون بنائے۔ اسی تعلق سے سنبھل ضلع میں بھارتیہ کسان یونین نے ضلع انتظامیہ کو میمورنڈم دیا۔

اترپردیش کے سنبھل ضلع میں آج بھارتیہ کسان یونین کی جانب سے احتجاج کیا گیا۔ ضلع سنبھل کے تھانہ رجب پور علاقے کے الگ الگ علاقوں میں سینکڑوں کسانوں نے روڈ پر جام کر نعرے بازی کی اور زرعی قوانین کے خلاف اپنی مخالفت درج کرائی۔

اس دوروان کسانوں اور پولیس کے درمیان نوک جھوک بھی ہوئی۔ کسانوں نے تینوں زرعی قوانین کے واپس لینے کا مطالبہ کرتے ہوئے ضلع انتطامیہ کو میمورنڈم سونپا۔

غورطلب ہے زرعی قوانین کے خلاف کسانوں کا مظاہرہ مسلسل جاری ہے۔ اس درمیان کسانوں نے 6 فروری کو دوپہر 12 بجے سے 3 بجے تک چکا جام کا اعلان کیا تھا۔ وہیں، بھارتیہ کسان یونین کے قومی ترجمان راکیش ٹکیٹ نے کہا تھا کہ یوپی اور اتراکھنڈ میں چکا جام نہیں کیا جائے گا۔