بھارتیہ کسان یونین بھانو دوبارہ تحریک میں شامل ہوگی

بھارتیہ کسان یونین بانو نے اعلان کیا ہے کہ وہ کسان تحریک میں دوبارہ سے شامل ہوگی۔ اجلاس میں فیصلہ کیا گیا ہے کہ 11 فروری سے اترپردیش کے تمام ضلعی صدر دفاتر میں احتجاجی مظاہرہ شروع کیا جائے گا۔

بھارتیہ کسان یونین بانو نے اعلان کیا ہے کہ 11 فروری سے ایک بار پھر زرعی قوانین کے خلاف احتجاج شروع کیا جائے گا۔ 26 جنوری کو اس تنظیم نے لال قلعے میں ہنگامہ آرائی کے خلاف احتجاج کرتے ہوئے نوئیڈا کے چلہ بارڈر سے خیمہ اٹھا لیا تھا۔ لیکن 11 فروری سے اترپردیش کے تمام ضلعی صدر دفاتر میں احتجاجی مظاہرے شروع کر دیئے جائیں گے۔

تنظیم کے اجلاس میں قومی صدر ٹھاکر بھانو پرتاپ سنگھ، قومی جنرل سیکریٹری چودھری بیگراج گجر، ریاستی صدر یوگیش پرتاپ سنگھ، جنرل سیکریٹری اور ریاستی ترجمان ماسٹر منوج ناگر، ریاستی انچارج راجیو اڈھنہ موجود تھے۔

بھارتیہ کسان یونین بھانو دوبارہ تحریک میں شامل ہوگی

اجلاس میں متفقہ طور پر فیصلہ کیا گیا ہے کہ 11 فروری سے تمام ضلعی صدر دفاتر میں احتجاجی مظاہرہ شروع کیا جائے گا۔

کسانوں کا کہنا ہے کہ حکومت کو تینوں زرعی قوانین کو واپس لینا ہوگا۔ اس سے قبل 27 جنوری کو کسان یونین بھانو کے دھڑے نے ایک پریس کانفرنس کی تھی اور اس تحریک سے دستبرداری کا فیصلہ کیا تھا۔