بنارس کے سگرا علاقے کے رہنے والے راجیندر اگرچہ جسمانی اعتبار سے معذور ہیں لیکن حوصلے انتہائی بلند ہیں۔ راجیندر نہ صرف اپنی جدوجہد کے ذریعے رزق حلال حاصل کر رہے ہیں بلکہ خود کفیل کی شاندار مثال بھی ہیں۔
وزیراعظم نریندر مودی کے پارلیمانی حلقہ بنارس میں راجیندر گذشتہ 20 برس سے خود کفیل ہیں۔ انہوں نے اپنی ذاتی کمائی سے شادی بھی کی۔ پیر میں شدید تکلیف اور عمر کے آخری حصے میں بھی بنارس کی سڑکوں پر رزق کے لیے جدو جہد کرتے ہوئے راجیندر اکثر دیکھے جاتے ہیں۔
ان سے جب سوال کیا گیا کہ سخت بیماری ہے پیروں میں تکلیف ہے ایسے لوگ بھیک مانگنے پر مجبور ہوتے ہیں تو آپ نے ایسا راستہ کیوں نہیں اختیار کیا؟ اس کا جواب انہوں نے مسکراتے ہوئے کہا کہ ہم محنت کر کے کھاتے ہیں چوری نہیں کرتے ہیں۔ اس دوران انہوں نے پولیس کی زیادتی کا بھی ذکر کیا۔
راجیندر کی جدوجہد نہ صرف پریشان حال افراد کے لیے نمونہ ہے بلکہ لاک ڈاؤن کی مشکلات سے ابھرنے کے لیے بھی راجیندر سے سبق حاصل کیا جاسکتا ہے۔
