اترپردیش کے میرٹھ میں دوسری شادی کرنے جا رہے شخص کی اس کی پہلی بیوی نے پٹائی کردی۔ یہ واقعہ تھانا لساڑی گیٹ علاقہ میں پیش آیا، جہاں سات سال قبل عمران نامی شخص کی شادی دہلی کے مصطفی آباد کی رہنے والی گلفشاں کے ساتھ ہوئی تھی لیکن شادی کے کچھ دن بعد ہی اس شخص نے مبینہ طور پر جہیز کے نام پر گلفشاں کا استحصال کرنے لگا جبکہ اسے ایک چار سال کا بیٹا بھی تھا۔
جہیز ہراسانی کی رپورٹ دہلی کے ککڑ ڈوما تھانے میں درج کرائی گئی تھی، اس دوران عمران نے پہلی بیوی کو بتائے بغیر دوسرا نکاح کرنے کی تیاری میں تھا، تاہم کسی طرح گلفشاں کو نکاح کی خبر ملی جس کے بعد وہ اپنے اہل خانہ کے ساتھ میرٹھ پہنچ گئی اور موقع پر پہنچ کر شوہر کی جم کر پٹائی کردی۔
یہ بھی پڑھیں:: رامپور: متعدد معاملوں میں نامزد ملزم نبو عرف نایاب کی جائیداد ضبط
اس واقعہ کے بعد پولیس نے عمران کو حراست میں لیکر تھانہ منتقل کردیا۔ پہلی بیوی اور اس کے گھر والوں نے عمران کے خلاف تحریر شکایت درج کرائی۔ پولیس اس معاملہ میں مزید تحقیقات کر رہی ہیں۔
