ایس ایس پی روہت سنگھ نے بینک افسران سے بینک میں آنے والے گراہک اور لٹیروں کے مابین فرق کو فاصلہ قائم کرنے کے لئے نوجوان سکیورٹی گارڈ رکھنے کی سفارش کی ہے۔ اس کے علاوہ بینک میں اپنے محکمہ سے خاتون کانسٹیبلز کی تعیناتی کرنے کی بھی رضامندی دی ہے۔
بریلی میں ایس ایس پی کے عہدے پر تعینات روہت سنگھ سجوان نے کہا ہے کہ بہتر، سرشار پولیسنگ ہماری ذمہ داری ہے۔ عام آدمی اور خواتین کی حفاظت کرنا ہمارا عزم ہے۔ لہذا ہر عوامی مقام پر لوگوں کی حفاظت کا خاص خیال رکھنے پر زور دیا جا رہا ہے۔ ایک طرف خواتین پولیس اہلکاروں پر زیادہ ذمہ داری عائد نہیں ہوتی ہے۔ لہذا ایسی خواتین پولیس اہلکاروں کی شناخت کی جا رہی ہے، جو با اختیار ہیں اور وہ بینک کی حفاظت کی ذمہ داری سنبھال سکتی ہیں۔
ایس ایس پی روہت سنگھ سجوان نے کہا کہ بینک کی سکیورٹی میں خواتین پولیس اہلکاروں کی تعیناتی کی سب سے بڑی وجہ یہ ہے کہ تھانوں کے علاوہ پولیس دفتر کی تمام سیل میں ایسی خواتین پولس اہلکار موجود ہیں، جنکے پاس کام کی زیادہ ذمہ داری نہیں ہے۔ وہیں دوسری طرف بینک لاکھوں روپیہ کے نقد نکاسی اور جمع کی ذمہ داری کم تعداد میں تعینات پرائیویٹ سکیورٹی گارڈ کے ذمہ ہوتی ہے جو ناکافی ہے۔ لہذا خواتین پولیس اہلکار کی نشاندہی کرکے اُنہیں بینک کی حفاظت میں تعینات کیا جائےگا۔
خواتین پولس اہلکاروں کی تعیناتی کی ایک خاص وجہ یہ بھی ہے کہ بینک میں آنے والی خواتین صارفین میں بھی سکیورٹی کا اعتماد بڑھے گا اور اُن کے لیے بینک سے متعلق پریشانی کی معلومات حاصل کرنا بھی آسان ہوجائے گا۔ اس کے علاوہ خواتین پولیس اہلکار جن پر زیادہ ذمہ داری عائد نہیں ہوتی ہے، ان کو بینک کی سکیورٹی میں تعینات کرکے ان کی اینرجی، لگن اور تجربے کا بہتر استعمال کیا جاسکتا ہے۔ اس سے پولیسنگ کے طریقہ کار کا بھی واضح نتیجہ برآمد ہوگا اور پولیس کے خلاف عوام میں اعتماد میں بھی اضافہ ہوگا۔
