بریلی: حضرت ممتاز میاں کا آج انتقال ہوگیا

بریلی میں درگاہ شاہ شرافت میاں کے پیر و مرشد حضرت شاہ ثقلین میاں کے چھوٹے بھائی حضرت ممتاز میاں کا آج انتقال ہوگیا، جس کے بعد شہر میں رنج و غم کا ماحول ہے۔

اترپردیش کے ضلع بریلی میں درگاہ شاہ شرافت میاں کی سب سے اہم بزرگ شخصیت اور پیر و مرشد حضرت شاہ ثقلین میاں کے چھوٹے بھائی حضرت ممتاز میاں آج بروز جمعرات رحلت فرماگئے ہیں۔ اُن کے انتقال کے بعد شہر میں تمام لوگ رنج و غم کا اظہار کررہے ہیں۔

اُن کی عمر 70 برس تھی۔ وہ ضلع بریلی کے پڑوسی ضلع بدایوں کے قصبہ ککرالہ کے آبائی رہائشی تھے۔ اُنہیں اپنی آبائی رہائش گاہ کے قبرستان میں کل بروز جمعہ صبح 10/ بجے سپردِ خاک کیا جائے گا۔

بریلی: حضرت ممتاز میاں کا آج انتقال ہوگیا

حضرت ممتاز میاں کی کچھ روز سے طبیعت ناساز تھی۔ تقریباً 70 برس کے حضرت ممتاز میاں پیر و مرشد کے بھائی ہونے کے ساتھ ساتھ کئی خوبیوں کے مالک تھے۔

بریلی: حضرت ممتاز میاں کا آج انتقال ہوگیا

ان کے انتقال کے بعد تمام سوگوار، اہلِ خانہ، مریدین، زائرین اور عقیدت مند غم و افسوس میں ڈوبے ہوئے ہیں۔ آج اُنہوں نے اپنی پشت پر دست شفقت رکھنے والا سچا ہمدرد کھودیا ہے۔ آج متعدد یتیموں کا سرپرست دنیا سے چلا گیا ہے۔ غریب اور ضرورت مند والدین کی بیٹیوں کی شادی کرانے والی ممتاز شخصیت حضرت ممتاز میاں اس دنیا سے رخصت ہوگئے۔

آج بریلی کے شہریوں نے ایک عظیم مرد مجاہد اور ہمدردِ قوم و ملت کو کھودیا ہے۔ ممتاز میاں نے قومِ مسلماں کے لیے تمام خدمات انجام دی اور اپنے در پر آئے کسی بھی ضرورت مند کو کبھی خالی ہاتھ نہیں جانے دیا۔