اتر پردیش کے بریلی کے سماجی کارکن سید حیدر علی نے ضلع انتظامیہ کے اعلیٰ افسران سے ملاقات کرکے کہا کہ گذشتہ تقریباً دو ماہ سے یعنی اپریل اور مئ میں اسکول بند رہے ہیں۔ لہذا ان اسکولز کے اپنے اخراجات میں بھی کافی کمی آئ ہوگی۔ وہیں دوسری جانب طلباء طالبات کے سرپرست اور والدین نے بھی لاک داؤن کی پابندیوں پر عمل کرتے ہوئے وقت گھر میں گزارا ہے۔ ظاہر ہے کہ اخراجات کے آمدنی کا ذریعہ صفررہا ہے۔ ایسے میں تمام والدین اسکول کی فیس جمع کرنے میں قاصر ہیں۔
سید حیدر علی نے دو نکات پر مبنی ایک میمورینڈم ضلع انتظامیہ کے سپرد کیا ہے، جس میں پہلے نکتہ کے تحت انہوں نے یہ مطالبہ کیا ہے کہ کتب فروشوں کو والدین سے ملنے والا 40 فیصد کمیشن ختم کیا جائے۔
جب کہ نکتہ میں یہ مطالبہ کیاگیا ہے کہ چونکہ لاک ڈاؤن کے دوران اسکولز کا خرچ بمشکل 25 فیصد آیا ہوگا۔ لہدا اسکول انتظامیہ کو اپنے طلباء طالبات کے والدین کو 75 فیصد تک فیس میں رعایت دینے کے مطالبہ پر غور کریں۔ کیوں کہ والدین کے پاس اس وقت فیس جمع کرنے کے لیئے رقم کا انتظام کرنا مشکل ہو رہا ہے۔
اس مسئلہ کے برعکس اسکول انتظامیہ سر پرستوں پر یہ دباؤ بنانے کی کوشش کر رہے ہیں کہ بچّوں کی فیس جمع کئے بغیر اُنکا داخلہ نہیں لیا جائےگا۔ سید حیدر علی نے کہا ہے کہ آئندہ اسکول کھولے جانے کے دوران والدین اور سرپرست کو یہ سہولیات ملنی چاہیئے۔
