بارہ بنکی: مدد کا انو کھا طریقہ

لاک ڈاؤن کے نفاذ کے دوران یومیہ مہاجر مزدوروں کی امداد کے لئے سماج کے تمام طبقے آگے آ رہے ہیں۔ ہر شخص اپنی استطاعت کے مطابق ان کی مدد کرنے کی کوشش کر رہا ہے۔ کوئی کھانے پینے کی اشیا مہیا کرا رہا ہے توکوئی سواری پیش کر کے مزدوروں کی مدد کر رہا ہے۔

ریاست اترپردیش کے ضلع بارہ بنکی میں ایک شخص جب کسی طرح سے مزدوروں کی مدد نہیں کر پایا تو اس نے ایک انگوچھے سے دو رکشوں کو کھینچنا شروع کر دیا۔ اس طرح وہ تقریبآ 20 کلومیٹر تک 5 مزدوروں کو لے کر کے آیا۔

دراصل بارہ بنکی کے دیوا کا رہنے والا رنکو کسی ضروری کام سے لکھنؤ گیا تھا۔ لکھنؤ سے واپس ہوتے وقت پالیٹینک کے قریب اسے دو رکشے آگے پیچھے جاتے دکھائی دیے۔ ایک رکشا دوسرے رکشے کو کھینچ رہا تھا۔

اس کے بعد رنکو نے ان سے پوچھا کہ وہ کہاں جا رہے ہیں۔ رکشے والے دہلی سے بہار کے مدھے پورا جا رہے تھے۔ رنکو نے ان کی مدد کا عہد کیا۔

رکشے والوں کے مطابق رنکو نے ان سے کہا کہ وہ بیٹھیں اور رنکو ان کا رکشا کھینچے گا. لیکن رکشے والوں نے ایسا کرنے سے انکار کر دیا.

اس کے بعد رنکو نے ان دونوں رکشوں کو انگوچھے کے مدد کھنیچنے کا فیصلہ کیا اور وہ تقریبآ 20 کلومیٹر انہیں کھینچ کر لے آئے. رکشے والوں کا کہنا ہے کہ اگر اس قسم کے افراد مل جائیں تو ان کا سفر آسان ہو جایے.