بارہ بنکی: قتل کے ملزین پولیس کی گرفت میں

ریاست اترپردیش کے ضلع بارہ بنکی کے تھانہ لونی کٹرہ حلقے میں گزشتہ 23 مئی کو ہوئے وید پرکاش کے قتل کا پولیس نے انکشاف کیا ہے۔ بتایا جا رہا ہے کہ وید پرکاش کا قتل پیسوں کے لین دین کی وجہ سے کیا گیا تھا۔ پولیس نے اس واردات کے دو ملزموں کو گرفتار کر لیا ہے جبکہ ابھی ایک ملزم فرار ہے۔

واضح رہے کہ 23 مئی کی صبح لونی کٹرہ تھانہ حلقہ کے منجھوپور گاؤں میں ایک کھیت سے ایک شخص کی لاش برآمد ہوئی تھی۔ لاش کی شناخت رائے بریلی ضلع کے شیوگڑھ تھانہ حلقے کے گاؤں بہوداکلا کے وید پرکاش کے طور پر ہوئی تھی. وید پرکاش کی لاش پر گولی لگنے کے نشانات تھے.

ہلاک شدہ کے اہل خانہ نے اس معاملے میں رائے بریلی ضلع کے تین افراد کو نامزد کیا تھا۔ پولیس نے اس معاملے میں مستعدی دکھاتے ہوئے امن ورما، اور دلیپ کمار راوت کو گرفتار کر لیا ہے. پولیس نے ان کے پاس سے قتل کے چند آلات بھی برآمد کئےہیں۔

پولیس کے مطابق ہلاک شدہ وید پرکاش پیسہ ادا کرنے سے قاصر تھا ۔ اس پر دلیپ کمار راوت نے 22 مئی کی شب وید پرکاش کو کھیت میں بلایا اور شراب پلائی. اس کے بعد دلیپ، امن اور تیسرے شخص نے ہتھوڑی، و دیگر آلات سے وار کئے. اس کے بعد اس کے سر میں گولی مار دی۔