بارہ بنکی کے کے ڈی سنگھ بابو اسٹیڈیم میں ہوئے دوستانہ میچ میں سماج وادی تنظیم 11 نے پہلے بلے بازی کرتے ہوئے 20 اوور میں سماج وادی یوتھ 11 کے سامنے 119 رن کا ٹارگیٹ رکھا۔
جواب میں سماج وادی یوتھ 11 نے طوفانی بلے بازی کرتے ہوئے 10 اوور میں ہی 9 وکٹ سے میچ جیت لیے۔ پورے میچ کے دوران پارٹی کے تمام رہنما اسٹیڈیم میں موجود رہے اور کرکٹ میچ کا لطف لیا۔
میچ کے بعد دونوں ٹیموں کو ٹرافی کے ساتھ مین آف دی میچ سے نوازا گیا۔ اس کے علاوہ تمام 22 کھلاڑیوں کو سائیکل تقسیم کی گئی تاکہ ایس پی کارکنان 2022 کی تیاریوں میں لگ کر قومی صدر اکھلیش یادو کے 22 میں بائیسکل کے نعرے کو عملی جامہ پہنا سکیں۔
مزید پڑھیں:
ایودھیا: مسجد کے لیے منظور اراضی کے خلاف عرضی دائر
اس میچ کے ذریعہ ایس پی نے ضلع میں 2022 کے اسمبلی انتخابات کی تیاریوں کا آغاز تو کر دیا ہے، لیکن سر پر کھڑے پنچایت انتخابات کے لئے وہ کس قدر تیار ہے، اس کا اندازہ اس بات سے لگایا جا سکتا ہے کہ پورے میچ میں ہوئی تقریر کے دوران اس بابت کوئی ذکر نہیں کیا گیا۔
