ریاست اترپردیش کے بارہ بنکی سمیت تمام اضلاع میں جمعرات کو یوپی مدرسہ بورڈ کے منشی اور مولوی درجہ کے امتحانات مکمل ہو گئے ہیں۔
نقل سے پاک اور بغیر کسی مشکل کے امتحانات اختتام پذیر ہونے سے انتظامیہ نے اطمینان کی سانس لی۔
بارہ بنکی: مدرسہ بورڈ کے امتحانات اختتام پزیر
بارہ بنکی میں ان امتحانات کے لئے 3818 طلبا رجسٹر ہوئے تھے، ان میں سے 15 فیصد طلبا غیر حاضر رہے ہیں۔
یوپی میں یہ پہلا موقع ہے جب اتنے کم وقت میں مدرسہ بورڈ کے امتحانات ختم ہوئے۔ 25 فروری سے شروع ہوئے یہ امتحانات صرف 9 دنوں میں اختتام پزیر ہوئے ہیں۔ ان امتحانات کی شبیہہ کو درست کرنے کے لئے اس دفعہ مدرسہ بورڈ کی جانب سے متعدد اقدام کئے گئے تھے جن میں ماڈل پیپر، پری بورڈ امتحان اور والدین کے ساتھ مدرسہ اساتذہ کی خصوصی میٹنگ کے جیسے اقدامات قابل ذکر ہیں۔
انتظامیہ کے مطابق ضلع میں 3818 طلبا میں سے 623 یعنی 15فیصد طلبا غیر حاضر رہے۔
