ریاست اتر پردیش کے ضلع بارہ بنکی میں منگل کو ریاستی رابطہ عامہ بیورو کی جانب سے لکھنؤ اور اس متعلقہ 12 اضلاع میں مسلسل پروگرامز منعقد کئے جا رہے ہیں. جس میں عوام کو کووڈ-19 کے اور صفائی کے تئیں بیدار کیا جا رہا ہے.
بارہ بنکی میں یہ پروگرام 15 جنوری کو شروع ہوا تھا جو 24 جنوری تک جاری رہے گا ۔ جس میں موبائل نمائش کے ساتھ ساتھ مقامی آرٹس اور دیگر ثقافتی پروگرامز ذریعہ عوام کو بیدار کرنے کی کوشش کی جارہی ہے ۔
اسی صفائی اور کورونا بیداری مہم کے تحت منگل کو شہر کے منشی رگھو نندن پرساد پٹیل ڈگری کالج میں ایک پروگرام کا انعقاد کیاگیاتھا ۔
اس موقع پر سیمینار سے خطاب کرتے ہوئے رابطہ عامہ بیورو کے اے ڈی جی آر پی سروج نے کہا کہ دیشی ویکسین مکمل طور سے محفوظ ہے اور اثردار ہے.
انہوں نے عوام سے اپیل کی کہ افواہوں پر توجہ نہ دیں ۔انہوں نے مزید کہا کہ کہا کہ جس طرح ملک باشندوں صبر و تحمل کے ساتھ کووڈ-19 کا مقابلہ کیا ہے۔ اسی طرح ہمیں سنجیدگی کے ساتھ ٹیکہ اندازی بھی کرانا ہے.
سیمنار سے جوائنٹ سکریٹری سنیل کمار شکلا اور کالج کی پرنسپل نے بھی خطاب کیا۔
