اتر پردیش کے بارہ بنکی ضلع کے رام سنیہی گھاٹ تحصیل کے تیلما گاؤں میں شہید محمد شریف کے یادگیر کی تعمیر اور ان کے کنبے کے تمام مسائل کے حل کی امید ایک بار پھر جگی ہے۔
بدھ کو فوج کے افسران نے تیلما گاؤں جا کر شہید محمد شریف کی اہلیہ سے ملاقات کی اور ان سے ان کے تمام مسائل کو حل کرنے کی یقین دہانی کرائی۔
اس دوران فوج کے افسران نے انتظامیہ سے ملاقات کر کے یادگار کی تعمیر کی کارروائی آگے بڑھانے کا مطالبہ کیا۔
واضح ہوکہ بارہ بنکی ضلع کے رام سنیہی گھاٹ تحصیل کے تیلما گاؤں کے مرحوم محمد شریف 47ویں آر آر بٹالین میں نائب صوبے دار کے عہدے پر تعینات تھے، 28 جون 2002 کی رات کپواڑا ضلع میں شدت پسندوں کے ساتھ تصادم میں انہیں گولی لگی اور وہ دنیا سے رخصت ہوگئے۔
شریف کی شہادت سے پہلے بھی ان کے دو بھائی فوج میں رہ کر ملک کی حفاظت میں خدمات انجام دے چکے ہیں۔ محمد شریف کی وراثت ان کے دو بیٹے سرتاج انجم اور عمار انجم فوج میں رہ کر ملک کی خدمت کر رہے ہیں۔
مزید پڑھیں: Kakori Arrest: 'گرفتار مسلم نوجوان ملزم ہیں، مجرم نہیں'
2002 میں محمد شریف کی آخری رسومات میں اعلیٰ افسران نے تیلما گاؤں آکر اعلان کیا تھا کہ دریا باد ٹکیت نگر روڈ پر جہاں سے تیلما گاؤں کا راستہ ہے، وہاں پر محمد شریف کے نام سے باب اور ان کے گاؤں میں محمد شریف کے نام پر نشانی کے طور پر عمارت بنائی جائے گی۔ لیکن تقریبآ 19 برس گزر جانے کے بعد یہ اعلان عملی جامعہ نہیں پہن پایا ہے، جبکہ محمد شریف کے کنبے کے افراد کے مطابق یادگاری عمارت بنانے کے لئے ذمین کی نشان دہی بھی ہو چکی ہے۔
