عرس کے موقع پر ضلع انتظامیہ کی جانب سے پولیس اہلکار کثیر تعداد میں تعینات کیے گئے تھے تاکہ کسی قسم کے ناخوشگوار حالات پیش نہ آئیں۔ کورونا کے سبھی احکامات پر زائرین نے عمل کرتے ہوئے اپنی عقیدت کا اظہار کیا۔ اس موقع سےدرگاہ کے احاطے میں محفل سماع چادر، پوشی و قرآن خوانی سمیت متعدد کے رسم ادا کی گئی جس میں زائرین نے بڑھ چڑھ کر حصہ لیا۔
واضح رہے کہ حضرت چندن شہید بابا کی بہار کے سہسرام میں شہادت ہوئی اور وہاں حضرت کا سر مدفون ہے 16 شعبان کو سہسرام میں بھی عرس کا اہتمام کیا جاتا ہے جبکہ بنارس میں بھی اسی تاریخ کو عرس منایا جاتا ہے۔
حضرت چندن شہید بابا کا مزار تقریبا آٹھ سو برس قدیم ہے حضرت افغانستان کے کابل شہر سے تعلق رکھتے تھے جنھوں نے اسلام کی ترویج و اشاعت کے لیے بھارت کا رخ کیا اور بنارس اور بہار کے سہسرام پر ان کی خاص توجہ رہی۔
حضرت چندن شہید بابا کا مزار گنگا جمنی تہذیب کے لیے بھی جانا جاتا ہے جہاں بلا تفریق مذہب و ملت لوگ اپنی عقیدت کا اظہار کرتے ہیں۔
